"Unsa Gründungsgschicht"

Ogfangt hod eigentlich ois mit dem, dass ma moi wieder mit de Watzmann-Löwen zu am Derby ins Olympiastadion gfoan san. Do hob i ma beim Hoamfoan dacht, dass des ned sein kon, dass in Berchtesgaden die Blauen einen Fanclub hom und mir, de Wahren, ned. Deshoib hob i ma gsogt, a a Frau kon des Ganze in de Hand nehma und hob zum Klaus Augentaler, dem damaligen Fanbeauftragten, gschrim.
So, de Anträge woan dann olle do und mir hom uns des erste Moi im Waldhauser Bräu getroffen...
Da Gelzei, da Moasei Chris, da Lochei Chris, mei Onkel Franzl und I. Damit woan de Gründungsmitglieder bestimmt und unseren Vorstand war natürlich da Gelzei. De Schreiberein hob i übernommen.
Nachdem i a Interview beim Radio Untersberg geben hob, is mei Telefon nimma staad gstandn...
Boid war ma über 100 Mitglieder und mei „Roter Bruder Steff“ hod uns am Fernseher organisiert... Damit hom ma eigentlich ois kappt, wos ma brauchen. A super Wirtshaus mit liaba Wirtsleit, an großen Fernseher und an Haufn Fans, bei denen des Blut scho immer Rot war.
Bei am sauguadn Bayern-Toast hom ma de Siege gemeinsam gefeiert. Nachdem ma a am Marktfest mit Bar, Bayernflügerl und Torwand vertreten waren, san ma immer mehr worden. A unsere Weihnachtsfeiern mit Packerltauschen derf i ned vergessen. Es war einfach immer sauzünftig! Aber bei so vielen Rot-Weißen is des eh klar!
Bis jetzt hod se zwar einiges geändert, jedoch is jeder von uns nu a richtiger Bayernfan und des werd se a nia ändern…. denn gute Freunde kann niemand trennen!

Bärbel Bittner (ehemalige Angerer bzw. Woi Bärbe)